بالی ووڈ کے معروف اداکار شاہد کپور کی اہلیہ میرا راجپوت نے دیور و اداکار ایشان کھتر کو تھپڑ ماردیا۔
فوٹو اور ویڈیو شیئرنگ ایپ انسٹاگرام پر شاہد کپور نے ایک ریل شیئر کی جس میں اداکار، ان کے بھائی ایشان کھتر اور اہلیہ میرا راجپوت، عامر خان، سیف علی خان، اکشے کھنہ، پریتی زنٹا کی فلم ’دل چاہتا ہے‘ کے سین کی نقل کررہے ہیں۔
ویڈیو میں دیکھا جاسکتا ہے کہ پہلے ایشان بھابھی سے کسی بات پر بحث کررہے ہیں پھر شاہد بھائی کو ’میرا‘ سے بات کرنے پر اکساتے ہیں جس کے بعد وہ انہیں غصے میں آکر انہیں تھپڑ ماردیتی ہیں۔
جب ایشان کو وہ تھپڑ لگاتی ہیں بعد میں سب مسکرانے لگ جاتے ہیں۔
شاہد کپور کی اس انسٹاگرام ویڈیو کو اب تک لاکھوں صارفین دیکھ چکے ہیں اور اس پر دلچسپ تبصرے بھی کررہے ہیں، سوشل میڈیا صارفین نے کہا کہ ’دل چاہتا ہے‘ کے ری میک میں آپ تینوں آجائیں، دوسرے صاف نے لکھا کہ یہ جوڑی فلم میں آگئی تو اچھی لگے گی۔‘
واضح رہے کہ فلم ’دل چاہتا ہے‘ کے سین میں سچترا پلائی نے سیف علی خان کو تھپڑ لگایا تھا جس کی نقل شاہد کپور، میرا راجپوت اور ایشان کھتر نے کی ہے۔
فرحان اختر کی ہدایت کاری میں بننے والی اس فلم میں عامر خان، سیف علی خان، اکشے کھنہ، پریتی زنٹا اور سونالی کُلکرنی نے مرکزی کردار ادا کیا تھا۔
