ممبئی: بالی وڈ کے سُپر اسٹار شاہ رخ خان نے اپنی آئندہ ریلیز ہونے والی فلم ’پٹھان‘ کے مرکزی کردار کے بارے میں بتا دیا۔
غیر ملکی میڈیا کے مطابق قطر میں جاری فیفا ورلڈ کپ 2022 کے فائنل میچ کے لیے شاہ رخ خان نے شہرہ آفاق سابق انگلش اسٹرائیکر وین رونی کے ہمراہ ایک ٹاک شو میں شرکت کی۔
شو میں شاہ رخ خان نے وین رونی کی تعریف کی اور ان کے لیے اپنی محبت کا اظہار کیا۔ اس دوران اداکار نے بتایا کہ فلم ’پٹھان‘ میں ان کا کردار وین رونی جیسا ہے۔
شاہ رخ خان نے بتایا: ’پٹھان وہ لڑکا ہے جسے اُس وقت آواز دی جاتی ہے جب سب تھک چکے ہوتے ہیں اور کوئی حل نہیں ملتا۔ جب آپ کو ایک گول کی ضرورت ہوتی ہے تو آپ پٹھان کو بلاتے ہیں۔‘
یہ بھی پڑھیں: فلم ’پٹھان‘ کا پہلا گانا ’بے شرم رنگ‘ فرانسیسی گانے کا چربہ نکلا
اس کے علاوہ شو میں شاہ رخ خان نے وین ورنی کو اپنی مشہور زمانہ فلم ’دل والے دلہنیا لے جائیں گے‘ کا مشہور اسٹیپ بھی سیکھایا جس کی ویڈیو سوشل میڈیا پر وائرل ہو رہی ہے۔
#ShahRukhKhan performs the #WayneRooney pose Wayne Rooney performs the SRK Pose 🔥🔥#FIFAFinalWithPathaan #FIFAWorldCupFinal pic.twitter.com/0B32s1MGNH
— The SRKWarriors Fan Page (@TheSRKWarriors) December 18, 2022
