ممبئی: بالی وڈ کے سُپر اسٹار سلمان خان ایک مرتبہ پھر نامور اداکارہ کو ڈیٹ کرنے کی وجہ سے خبروں کی زینت بن گئے۔
بھارتی میڈیا کی رپورٹس کے مطابق سلمان خان فلم ’سرکس‘ میں اداکاری کے جوہر دکھانے والی پوجا ہیگڑے کو ڈیٹ کر رہے ہیں۔
بالی وڈ سے جڑے عمیر سندو نامی ٹوئٹر صارف نے دعویٰ کیا: ’فلم نگری میں ایک نیا جوڑا آگیا۔ میگا اسٹار سلمان خان پوجا ہیگڑے کی محبت میں گرفتار ہوگئے۔‘
عمیر سندو نے بتایا کہ پوجا ہیگڑے نے سلمان خان کے پروڈکشن ہاؤس سے مزید دو فلموں کے لیے معاہدہ کرلیا، دونوں ایک ساتھ وقت گزار رہے ہیں اور یہ خبر اداکار کے انتہائی قریبی ذرائع نے دی ہے۔
BREAKING NEWS : New Couple in Town !!! Mega Star #SalmanKhan fell in love with #PoojaHegde !! His production house also signed her for next 2 films !! They are spending time together now a days !! Confirmed by Salman Khan close sources. pic.twitter.com/2lkNIXH3IE
— Umair Sandhu (@UmairSandu) December 7, 2022
24 سالہ پوجا ہیگڑے بہت جلد سلمان خان کی فلم ’کسی کا بھائی کسی کی جان‘ میں ساتھ نظر آئیں گی۔
یہ بھی پڑھیں: سلمان خان نے خفیہ طور پر منگنی کرلی؟
چند روز قبل سلمان خان کو انڈین فلم اکیڈمی اینڈ ایوارڈ کی ایک تقریب میں دیکھا گیا تھا اور اس موقع پر انہوں نے گہرے سبز رنگ کی شرٹ اور سرمئی رنگ کا کورٹ پیٹ پہن رکھا تھا۔
اداکار ان کپڑے میں ہر بار کی طرح دلکش لگ رہے تھے لیکن ان کی سب سے زیادہ توجہ حاصل کرنے والی چیز سیدھے ہاتھ میں پہنی انگوٹھی تھی۔
سُپر اسٹار کی تصویر پر مداحوں نے ان کی انگوٹھی پر زیادہ تبصرے کیے۔ زیادہ تر کا ماننا ہے کہ یہ انگوٹھی منگنی کی ہے۔
