ذرائع کے مطابق مسلم لیگ (ن) کو پارٹی کے اندر سے مخالفت کا سامنا ہے کیونکہ کئی سینئر رہنما اس وقت تک تحریک عدم اعتماد کے حق میں نہیں ہیں جب تک کہ پارٹی کے پاس پی ٹی آئی کی زیرقیادت پنجاب حکومت کو بے دخل کرنے کے لئے کافی تعداد نہیں ہے۔
تحریک عدم اعتماد کی مخالفت کرنے والے سینئر رہنماؤں کا کہنا تھا کہ پارٹی کو انتظار کرنا چاہیے کیونکہ مسلم لیگ (ن) کے 18 ایم پی ایز اب بھی معطل ہیں۔
تاہم پنجاب میں مسلم لیگ (ن) کی صوبائی قیادت پی ٹی آئی کی زیرقیادت پنجاب حکومت کے خلاف تحریک عدم اعتماد کے حق میں ہے۔
تحریک عدم اعتماد کو کامیاب بنانے کے لیے اپوزیشن کو کل 371 ارکان میں سے 186 ارکان کی حمایت کی ضرورت ہے۔ پاکستان ڈیمو کریٹک موومنٹ (پی ڈی ایم) کے 180 ارکان ہیں جن میں سے مسلم لیگ (ن) کے 167، پیپلز پارٹی کے 7، آزاد ارکان کے 5 اور راہ حق پارٹی کا ایک رکن ہے۔
پی ڈی ایم کو تحریک عدم اعتماد کے ذریعے پی ٹی آئی کی زیرقیادت پنجاب حکومت کو بے دخل کرنے کے لیے مزید 24 ارکان کی حمایت کی ضرورت ہے۔
پرویز الٰہی کی عمران خان کو بلا تاخیر اسمبلی تحلیل کرنے کی یقین دہانی
اس سے قبل سابق وزیراعظم اور پاکستان تحریک انصاف (پی ٹی آئی) کے چیئرمین عمران خان نے سندھ اور بلوچستان کی پارلیمانی جماعتوں کا اجلاس اتوار کو طلب کیا تھا جس میں اسمبلیاں چھوڑنے کے فیصلے پر غور کیا جائے گا۔
