دفتر خارجہ کی جانب سے جاری بیان میں کہا گیا ہے کہ عبید الرحمان نظامانی مشاورت کے لیے پہلے سے طے شدہ دورے پر ملک میں موجود ہیں۔
افغانستان میں پاکستانی سفارت خانے پر حملے کے الزام میں ‘داعش کا رکن’ گرفتار
افغانستان کے دارالحکومت کابل میں جمعے کے روز پاکستانی سفارت خانے پر ہونے والے دہشت گرد حملے میں عبید الرحمان نظامانی خوش قسمتی سے محفوظ رہے۔ ایس ایس جی گارڈ اسرار نے ایلچی کو بچایا اور کوشش میں اسے تین گولیاں لگیں اور وہ شدید زخمی ہوگیا۔
زخمی گارڈ کو بھی افغانستان سے ہیلی کاپٹر کے ذریعے پشاور لایا گیا۔
سفارت خانے کے ایک عہدیدار نے بتایا کہ ایک اکیلا حملہ آور ‘گھروں کی آڑ میں آیا اور فائرنگ شروع کر دی’ لیکن سفیر اور دیگر عملہ محفوظ رہا۔
افغان وزارت خارجہ نے حملے کی مذمت کرتے ہوئے کہا ہے کہ امارت اسلامیہ افغانستان کسی بھی بدنیتی پر مبنی عناصر کو کابل میں سفارتی مشنز کی سلامتی کے لیے خطرہ بننے کی اجازت نہیں دے گی۔
پاکستان نے ہفتے کے روز افغان ناظم الامور کو طلب کیا تھا اور اس حملے پر پاکستان کی گہری تشویش اور غم و غصے سے آگاہ کیا تھا۔
