سعودی عرب میں کرایہ داروں اور عمارتوں کے مالکان کے لیے کرایہ نامے کی تصدیق اور ’ایجار‘ نیٹ پر اس کا اندراج ضروری قرار دیا گیا ہے۔
اخبار 24 کے مطابق وزارت بلدیات و دیہی و آباد کاری امور کے ماتحت ’ایجار‘ نیٹ ورک کا کہنا ہے کہ کرائے نامے کی تصدیق کا طریقہ کار جاننے کے لیے سب سے پہلے ایجار نیٹ ورک کے پرسنل اکاؤنٹ پر جائیں۔
اس کے بعد درخواستوں والے خانے پر کلک کیا جائے پھر کرائے نامے کی درخواستوں اور منظوری کے آپشن پر جایا جائے۔
ایجار نیٹ ورک انتظامیہ کا کہنا ہے کہ سعودی قومی شناختی کارڈ اور مقیم غیرملکی اقامہ نمبر نیز تاریخ پیدائش درج کر کے کرایہ ناموں کی تصدیق کرا سکتے ہیں۔
