تفصیلات کے مطابق چیئرمین ایل ڈبلیو ایم سی عاطف چوہدری کی زیر صدارت ویسٹ ٹو انرجی پراجیکٹ پر لاہور ویسٹ مینجمنٹ کمپنی کا اہم اجلاس منعقد ہوا۔
اجلاس میں سی ای او ڈبلیو ایم سی علی عنان قمر اور ڈپٹی سیکرٹری ڈویلپمنٹ شاہد لطیف بھی موجود تھے۔
عاطف چوہدری کا کہنا تھا کہ نارویجن کمپنی کی ٹیم ابتدائی سروے کے لیے پاکستان پہنچ چکی ہے، یہ کمپنی ویسٹ ٹو انرجی منصوبے میں 300 ملین ڈالر کی سرمایہ کاری کرے گی۔
عاطف چوہدری نے کہا کہ اس منصوبے کی تکمیل سے 2000 نئی ملازمتیں پیدا ہوں گی۔
پاکستان میں رواں سال ڈینگی کے 76 ہزار 210 کیسز رپورٹ ہوئے
اس سے قبل سندھ کے وزیر امتیاز شیخ نے کہا تھا کہ صوبائی حکومت نے کراچی میں بجلی کی پیداوار کے لیے ماحول دوست منصوبہ شروع کرنے کا فیصلہ کیا ہے۔
امتیاز شیخ نے کہا کہ شہر میں روزانہ کی بنیاد پر تقریبا 8 ہزار سے 10 ہزار ٹن کچرا پیدا ہوتا ہے جس سے 200 میگاواٹ بجلی پیدا کرنے میں مدد مل سکتی ہے۔ انہوں نے کہا کہ شہر میں بجلی کی پیداوار کے لیے 50 میگاواٹ کے چار پاور پلانٹس لگائے جائیں گے۔
