معروف مزاحیہ ٹک ٹاکر کھابی لامی کی بھارتی اداکار سونو سود کے دلچسپ ویڈیو وائرل ہوگئی۔
افریقی ملک سینیگال سے تعلق اور اٹلی کی شہریت رکھنے والے سیاہ فام ٹک ٹاکر کھابی لامی اپنی خاموش ویڈیوز کے ذریعے صرف 2 سال کے اندر دنیا بھر میں مشہور ہوئے۔
22 سالہ کھابی ٹک ٹاک پر سب سے زیادہ فالو کی جانے والی شخصیت ہیں اور ان کے فالوورز کی تعداد 14 کروڑ سے بھی زائد ہے۔
حال ہی میں کھابی لامی بھارت پہنچے جہاں ان کی بالی ووڈ اداکار سونو سود سے ملاقات ہوئی، اس موقع پر دونوں نے ایک دلچسپ ویڈیو بھی بنائی۔
ویڈیو میں دیکھا جاسکتا ہے کہ سونو کھابی کے گلاس میں جوس انڈیل رہے ہیں، اس کے بعد تھوڑا سا جوس بچنے پر وہ اسے اپنے گلاس میں ڈال لیتے ہیں۔
کھابی ان کا گلاس دیکھ کر اس کی طرف ہاتھ بڑھاتے ہیں جس پر سونو انہیں منع کرتے ہیں، کھابی دوبارہ یہی کوشش کرتے ہیں۔
دوسری بار جب سونو انہیں روکتے ہیں تو کھابی غصے سے ان کے گلاس میں موجود اسٹرا اٹھاتے ہیں اور اپنے گلاس میں ڈالتے ہیں، جس پر سونو کھسیانے ہوجاتے ہیں۔
کھابی کی اس ویڈیو پر سوشل میڈیا صارفین نے دلچسپ تبصرے کیے، اب تک اس ویڈیو کو لاکھوں بار دیکھا جاچکا ہے۔
