تفصیلات کے مطابق متحدہ قومی موومنٹ پاکستان (ایم کیو ایم) پاکستان نے 30 نومبر کو بہادر آباد آفس سے متصل پارک میں جنرل ورکرز کا اجلاس طلب کرلیا۔اجلاس کے دوران بلدیاتی انتخابات، الیکشن کمیشن کے فیصلے اور پاکستان پیپلز پارٹی (پی پی پی) کے ساتھ معاہدے سے متعلق امور پر تبادلہ خیال کیا جائے گا۔
ایل جی کے تمام نمائندوں کو اجلاس میں شرکت کی ہدایت کی گئی ہے۔ ایم کیو ایم پاکستان کے کنوینر ڈاکٹر خالد مقبول صدیقی پارٹی کارکنوں کو بلدیاتی انتخابات کی تیاریوں کے حوالے سے ہدایات دیں گے۔
ذرائع نے دعویٰ کیا ہے کہ ایم کیو ایم پاکستان متعدد فیصلوں اور مستقبل کے لائحہ عمل پر پارٹی کارکنوں کو اعتماد میں لے گی، جنرل ورکرز اجلاس میں اہم اعلانات متوقع ہیں۔
قبل ازیں ایم کیو ایم پاکستان نے پاکستان پیپلز پارٹی (پی پی پی) سے مطالبہ کیا تھا کہ وہ کراچی اور حیدرآباد میں بلدیاتی انتخابات سے قبل حلقہ بندیوں کو درست کرے۔
ذرائع کے مطابق ایم کیو ایم پاکستان کے کنوینر ڈاکٹر خالد مقبول صدیقی نے پیپلز پارٹی کے شریک چیئرمین آصف علی زرداری سے ٹیلی فونک رابطہ کیا جس میں کراچی اور حیدرآباد میں بلدیاتی انتخابات کے حوالے سے تبادلہ خیال کیا گیا۔
ذرائع کے مطابق دونوں سیاسی رہنماؤں نے حلقہ بندیوں اور ووٹر لسٹوں سمیت معاہدے پر عملدرآمد پر تبادلہ خیال کیا۔ ذرائع کے مطابق گفتگو کے دوران آصف علی زرداری نے معاہدے پر عملدرآمد اور مکمل تعاون کی یقین دہانی کرائی۔
عمران خان ریاض کی اس سے زیادہ جذباتی ویڈیو پہلے آپ نے نہیں دیکھی ہو گی۔
واضح رہے کہ الیکشن کمیشن آف پاکستان (ای سی پی) نے کراچی اور حیدرآباد ڈویژن میں بلدیاتی انتخابات کے انعقاد سے متعلق اپنا فیصلہ سنایاتھا۔
چیف الیکشن کمشنر سکندر سلطان راجہ کی سربراہی میں 5 رکنی بینچ نے انتخابات میں تاخیر کے خلاف درخواستوں پر سماعت کے بعد 15 نومبر کو فیصلہ محفوظ کیا تھا۔
الیکشن کمیشن نے اپنے فیصلے میں کراچی اور حیدرآباد کے تمام اضلاع میں بلدیاتی انتخابات 15 جنوری کو کرانے کا اعلان کیا ہے۔
