امریکا میں ایک 18 سالہ نوجوان کی لاپرواہ ڈرائیونگ نے بڑا حادثہ ہونے سے بچا لیا، نوجوان نے اپنی گاڑی پیٹرول پمپ سے ٹکرا دی جس کے بعد خوفناک آگ بھڑک اٹھی۔
امریکی شہر نیویارک میں پیش آنے والے اس واقعے کو سی سی ٹی وی کیمرے نے ریکارڈ کرلیا۔ فوٹیج میں دیکھا جاسکتا ہے کہ ایک گاڑی پیٹرول اسٹیشن پر کھڑی ہے۔
تھوڑی دیر بعد اس کا ڈرائیور نہایت تیزی اور لاپرواہی سے اسے ریورس کرتا ہے جس کے بعد گاڑی دھماکے سے پمپ سے ٹکراتی ہے اور اس کے ساتھ ہی خوفناک آگ بھڑک اٹھتی ہے۔
آگ لگتے ہی گاڑی تیزی سے وہاں سے روانہ ہوجاتی ہے۔
پولیس کو بعد ازاں آگ لگنے کی اطلاع موصول ہوئی جس کے بعد پولیس فوری طور پر وہاں پہنچی۔
امریکی میڈیا کے مطابق پولیس ڈرائیور کو گرفتار کرنے میں کامیاب رہی، ڈرائیور 18 سالہ نوجوان تھا جسے پولیس نے گاڑی کی رجسٹریشن نمبر کی مدد سے تلاش کیا۔
