پاکستانی فلم "جوائے لینڈ” کو 95 ویں انٹرنیشل فیچر فلم کی کیٹگری کے لیے شارٹ لسٹ کر لیا گیا ہے۔
کانز فلم فیسٹول میں اسکرینگ اور جیوری ایوارڈ جیتنے کے بعد پاکستانی فلم جوائے لینڈ کی کامیابیوں کا سلسلہ جاری ہے۔
پاکستان کی آسکر کمیٹی نے فلم کو پاکستان سے 95 آسکر ایوارڈز کے انٹرنیشنل فیچر فلم کی کیٹگری کے لیے نامزد کیا گیا، اب اس فلم کو دنیا بھر کے 92 ممالک سے نامزد کی گئی فلموں میں سے شارٹ لسٹ کر لیا گیا ہے۔
دنیا بھر سے شاٹ لسٹ کی گئی 15 فلموں میں جوائے لینڈ بھی شامل ہے، جبکہ حتمی پانچ نامزدگیوں کا اعلان 24 جنوری کو ہوگا۔
علینہ خان، علی جونیجو، راستے فاروق، ثروت گیلانی، سلمان پیرزادہ، اور ثانیہ سعید کی اداکاری والی اس فلم کو ستمبر میں پاکستان کی آسکرز سلیکشن کمیٹی نے 2023 میں منعقد ہونے والے 95 ویں اکیڈمی ایوارڈز کی ’عالمی فیچر فلم ایوارڈ‘ کی کیٹیگری میں نامزد کیا گیا تھا۔
آسکرز ایوارڈز کا میلہ آئندہ سال 12 مارچ کو سجے گا۔ پاکستان کی سلیکشن کمیٹی کی سربراہ دومرتبہ کی آسکر ایوارڈ یافتہ ہدایت کارہ شرمین عبید چنائے ہیں۔
