ایپل نے آئی فون 15 اور آئی فون 15 پلس متعارف کرادیا

ایپل نے آئی فون 15 اور آئی فون 15 پلس متعارف کرادیا

ٹیکنالوجی کی دنیا اہم پیش رفت، ایپل نے آئی فون 15 اور آئی فون 15پلس متعارف کرادیا۔

ایپل کی جانب سے متعارف کرائی گئی نئی سیریز میں 4 نئے ماڈلز میں 5 نئے فیچرز شامل کئے گئے ہیں، نئی سیریز میں نئے رنگوں کے علاوہ سائز اور شکل میں بھی کچھ تبدیلیاں کی گئی ہیں۔

آئی فون 15 کا کیمرہ 48 میگاپکسل کا ہو گا جس میں پریسکوپک لینز کا استعمال کیا گیا ہے، جو بہتر آپٹیکل زوم فراہم کرتا ہے اور اس سے فون کی موٹائی پر بھی کوئی اثر نہیں پڑے گا۔

اس کے ساتھ ہی کیمرہ سیٹ اپ میں پیری اسکوپ فوٹو کیمرہ بھی شامل کیا گیا ہے جس کے بعد آپٹیکل زوم میں نمایاں اضافہ ہوگا۔

اس سیریز کو ایپل کے چیف ایگزیکیٹیو ٹم کروک کی جانب سے گزشتہ روز متعارف کرایا گیا تھا، آئی فون 15 کی نئی سیریزآئی فون 15، آئی فون 15 پلس، آئی فون 15 پرو اور آئی فون 15 پرو میکس پر مشتمل ہے۔

آئی فون 15 میں چارجنگ پورٹ کی تبدیلی کی گئی ہے،یہ تبدیلی ڈیٹا کی منتقلی میں زیادہ مؤثر ثابت ہو گی، نئے آئی فون میں چارجنگ پورٹ یو ایس بی سی ٹائپ انسٹال کی گئی ہے۔

آئی فون 15 میں یو ایس بی سی ٹائپ بھی انسٹال کیا گیا ہے جس کی طویل عرصے سے یورپی ممالک کے صارفین کی جانب سے فرمائش سامنے آرہی تھی۔

اس سال آئی فون پرو ماڈلز کیلئے ٹائٹینیم کا فریم استعمال کیا گیا ہے جو پچھلے سال کے پرو ماڈلز کے مقابلے ہلکے وزن کے ہوں گے۔

اس سال پرو ماڈلز کیلئے سائلنٹ سوئچ کی جگہ ایکشن بٹن کا اضافہ کردیا گیا ہے، جبکہ آئی فون کے اس نئے ورژن میں پاور بٹن کو حذف کردیا گیا ہے۔

آئی فون 15 پرو ماڈلز کیلئے گزشتہ ماڈلز کے مقابلے میں ریم میں 2 جی بی کا مزید اضافہ کیا گیا ہے جو کہ اب 8 جی بی تک رکھی گئی ہے۔

اسی کے ساتھ ساتھ آئی فون 15 کے پرو ماڈلز، 15 پرو اور 15 پرو میکس میں نئی اے 17 بایونک چپ شامل کی گئی ہے۔ اس کا مقصد نئے ماڈلز کی رفتار پچھلے ماڈلز کی نسبت مزید بہتر کرنا ہے۔

Comments

Source link

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

بحرین، کینسر سے بچاؤ کی ویکسین متعارف کرانے کیلئے تیار Previous post بحرین، کینسر سے بچاؤ کی ویکسین متعارف کرانے کیلئے تیار
بڑی عجیب بات ہے ایک جماعت الیکشن کی تاریخ دے رہی ہے، بلاول بھٹو Next post بڑی عجیب بات ہے ایک جماعت الیکشن کی تاریخ دے رہی ہے، بلاول بھٹو
Social Media Auto Publish Powered By : XYZScripts.com