ممبئی: بالی وڈ کی معروف اداکارہ انوشکا شرما نے شوہر ویرات کوہلی کے ساتھ اپنی ان دیکھی تصاویر پوسٹ کر دیں۔
انوشکا شرما اور ویرات کوہلی اپنے مداحوں کو محظوظ کرنے کا کوئی بھی موقع ہاتھ سے جانے نہیں دیتے اور یہی وجہ ہے کہ انہوں نے اپنی شادی کی پانچیوں سالگرہ پر یادگار لمحات سے بھرپور تصاویر شیئر کیں۔
تصاویر کے کیپشن میں انوشکا شرما نے لکھا کہ اپنی خوبصورت تصاویر کو پوسٹ کرنے کا آج سے بہتر دن کیا ہوگا۔
یاد رہے کہ انوشکا شرما اور ویرات کوہلی کی شادی 11 دسمبر 2017 کو ہوئی تھی اور جوڑے کی ایک بیٹی ہے جس کا چہرہ مداح آج تک نہیں دیکھ پائے۔
شادی کی پانچیوں سالگرہ پر مداحوں کی جانب سے جوڑے کے لیے نیک تماؤں کا اظہار کیا جا رہا ہے۔
