پاکستانی ڈرامہ انڈسٹری کی معروف اداکارہ علیزے شاہ کا نیا ہیئر اسٹائل اور تصاویر سوشل میڈیا پر وائرل ہوگئیں۔
فوٹو اور ویڈیو شیئرنگ ایپ انسٹاگرام پر علیزے شاہ نے نئی تصاویر شیئر کردیں جس میں اداکارہ نے نیا ہیئر اسٹائل بنایا ہوا ہے اور کریم کلر کا مغربی لباس زیب تن کیا ہوا ہے۔
اداکارہ کو تصاویر میں سنجیدہ انداز میں تصاویر بنواتے دیتے دیکھا جاسکتا ہے۔
علیزے شاہ نے چند گھنٹوں قبل یہ تصاویر شیئر کیں جسے ہزاروں کی تعداد میں مداح دیکھ چکے ہیں اس پر اپنی رائے بھی ظاہر کررہے ہیں۔
اداکارہ سوشل میڈیا پر کافی متحرک رہتی ہیں اور اکثر اپنی تصاویر شیئر کرتی رہتی ہیں۔
اس سے قبل انہوں نے ڈرامہ سیریل ’تقدیر‘ کے سیٹ سے چند تصاویر شیئر کی تھیں۔ تصاویر میں انہیں مہندی میں شرکت کے دوران پہنے گئے زرد رنگ کے لباس میں دیکھا جاسکتا ہے۔
تقدیر میں علیزے شاہ اور سمیع خان مرکزی کردار نبھا رہے ہیں جس کی دیگر کاسٹ میں زین افضل، عاصم محمود، جاوید شیخ، بہروز سبزواری، مریم نور، عالیہ علی، خالد انعم ودیگر شامل ہیں۔
یاد رہے کہ علیزے شاہ اس سے قبل اے آر وائی ڈیجیٹل کے ڈرامہ سیریل ’میرا دل میرے دشمن‘ میں مرکزی کردار نبھا چکی ہیں۔
