آج پاکستان اسٹاک ایکسچینج (پی ایس ایکس) کا 100 انڈیکس اور مارکیٹ کیپٹلائزیشن 2022ء کی کم ترین سطح پر رہی۔
پی ایس ایکس بینچ مارک 100 انڈیکس آج 489 پوائنٹس کم ہو کر 39 ہزار 342 پر بند ہوا۔
اس سے قبل رواں سال جولائی میں 100 انڈیکس 39 ہزار ہوا تھا لیکن آج رجسٹر ہوئی انڈیکس کی کم ترین سطح جولائی سے بھی نیچے یعنی 39 ہزار 276 ہے۔
مارکیٹ ذرائع انڈیکس کی گراوٹ کا سبب سیاسی بے یقینی اور زرمبادلہ قلت سے پیدا ہوئی صورتحال کو قرار دے رہے ہیں۔
حصص بازار میں آج 16 کروڑ 60 لاکھ شیئرز کے سودے ہوئے جن کی مالیت 4 ارب روپے سے زائد رہی۔
مارکیٹ کیپٹلائزیشن 58 ارب روپے کم ہوکر 6 ہزار 296 ارب روپے ہے جو سال کی کم ترین سطح ہے۔
